مهرگى ژێرباران
سهعید مهموزینى
بارانێكى توند دهبارى ، جاروبار لهگهل بهفر تێكهلاَو دهبوون وههوایهكى بههێز دارهكانى دهجولاَندهوه ، لقى ههندىَ لهدارهكانى دهشكاند ،ودهنگى ههوا خهڵكى ههراسان دهكرد ، ههورو بروسك دهیانگرماند ، كهس بهرگهى ئهم كهشه ناخۆشهى زستانى نهدهگرت ، زستانێكى درێژ پرِ بهفروباران كهس لهدهرهوه نهدهبینرا ، ئاكرىَ جوانترین دیمهنى خۆى نیشان دهدا و كهلىَو كهلهكهون باڵى سپى خۆیان بهسهر شاردا كێشابوو پیاسهیهكى درێژى لهشهقامى خهڵوهتى شارداكرد ، بهفرو باران بهدهم و چاوى دهكهوتن زیاتر دهیلهرزاند ، بهلاَم دڵى گهرمى ئهو بهزریان و كرِێوهش سارد نابنهوه ، بهرهو كۆڵانێكى تهنگ و تاریكدا چووه خوارىَ تهنانهت دهستى نهكرده گیرفان ، بهههمان ههناسهى ماندو كهههڵم دووكهل ئاسا لهدهمى دهردهچوون گهیشته بهردهرگاى ماڵێك بهرِێكهوت ، لهدهرگاى ماڵهكه راما بهئاستهم لهپهنجهره رووناكى دیاربوو ، واى نیشاندهدا ماڵهكه ، ههر ههموویان لهژێر نوینى گهرم و گورِدا خهوتبن و سوَپهى دارههڵبوو ، دووكهڵ لهلوولهى سۆپهى ماڵهكان بهرز دهبووه ، ئهو هوشیاره و كهس ئاگاى لىَ نیه ، بهههردوو چاوهكانى وهكو ئهوهى بیهوێت شتێك رِاو بكات سێرهى لهدهرگاو پهنجهرهى ماڵهكه گرت .
