مقداد شاسوارى رۆژنامه‌ نووس رۆشنبیرێكى ناسراوى ده‌ڤه‌رى گۆرانه‌تىیه‌ خاوه‌ن به‌رهه‌مى ئه‌ده‌بیه‌، وئه‌ندامى فه‌خرى بنكه‌ى رِۆشنبیرى به‌رده‌ره‌شه‌، به‌نوكته‌ خۆشه‌كانى رِه‌خنه‌ گرێكى باڵا ده‌سته‌، بۆیه‌ به‌پێویستمان زانى وه‌كو گۆڤارى خازر ئه‌م دیمانه‌یه‌ى له‌گه‌ڵدا ساز بكه‌ین.

پ/ باپرسیارى یه‌كه‌ممان له‌رۆژنامه‌گه‌رى ئه‌هلییه‌وه‌ ده‌ست پێ بكه‌ین. . .

و/ رۆژنامه‌گه‌رى كوردیش هه‌ر به‌رِۆژنامه‌ى ئه‌هلى له‌دایك بووه‌. ساڵى (1898) كه‌رۆژنامه‌ى (كوردستان) له‌سه‌رده‌ستى میقداد مدحه‌ت به‌درخان یه‌كه‌م ژماره‌ى لێ ده‌رچوو نه‌ سه‌ر به‌هیچ حیزبێك بوو، نه‌په‌یرِه‌وى له‌ئایدۆلۆژیایه‌كى حیزبی ده‌كردو نه‌هیچ حیزبێكیش له‌پشتیه‌وه‌ بوو.. به‌ڵام كورد كیانێكى مه‌ده‌نى نه‌بوو تارۆژنامه‌گه‌رییه‌كه‌ى هه‌ربه‌هه‌مان شێوه‌ى ئه‌هلى درێژه‌ به‌رِه‌وتى خۆى بدات. كورد ناچار بوو شۆرِش بكات به‌رده‌وام ده‌ست به‌تفه‌نگ بێت بۆ به‌رگریكردن له‌خۆى. ئه‌مه‌یش بێ گومان پێویستى ژیارى به‌دروست بوونى حیزب هه‌بوو بۆ ئاراسته‌كردنى جه‌ماوه‌رو به‌رِێوه‌ بردنى شۆرِش. ئه‌وه‌بوو به‌شێوه‌یه‌كى ئۆتۆماتیكى هه‌موو شته‌كان بوونه‌حیزبی.. ده‌بوایه‌ ببنه‌ حیزبی یه‌كێك له‌وشتانه‌ش رِاگه‌یاندن بوو به‌شێوه‌یه‌كى گشتى. دواى سه‌رهه‌ڵدانى به‌هارى 1991 رِاسته‌ نیوه‌ى زیاترى باشوورى كوردستان ئازاد كرا.

(more…)

د. فه‌رهاد پیربال ناوێكى دیارى بوارى رۆشنبیرییه و خاوه‌ن به‌رهه‌مى ئه‌ده‌بىء رامیارىیه‌، رۆشنبیرێكى به‌جورئه‌ته‌، گۆڤارى خازر ئه‌م دیمانه‌یه‌ى له‌گه‌ڵدا سازكرد، كه‌بریتییه‌ له‌دیدوبۆچوونى خۆى.

دیمانه‌: عوسمان عه‌بدولموته‌لیب

* ده‌كرێ باسى ژیانى تایبه‌تى خۆت بكه‌ى؟

- باسى ژیانى شه‌خێى له‌ دیدارێكى ئه‌ده‌بى به‌لاى منه‌وه‌ گرنگى نیه‌ به‌ڵام له‌به‌ر ئه‌وه‌ى یه‌كه‌م جاره‌ بۆ ئه‌م گۆڤاره‌ قسه‌ ده‌كه‌م ده‌كرآ سرنجێكى بده‌مآ هه‌موومان تاریخێكمان هه‌یه‌ تیایدا له‌دایك ده‌بین ده‌چینه‌ قوتابخانه و دووباره‌ له‌ ئه‌ده‌بیاته‌وه‌ وامان لێده‌كات به‌یه‌كتر نه‌چین ئه‌وه‌ خالى جیاوازى یه‌ له‌نێوانماندا به‌یه‌كتر نه‌چوینه‌ ئه‌ده‌ب گرنگه‌ نه‌ك ژیانى شه‌خسى به‌هه‌ر حال له‌ساڵى 1961 له‌گه‌رِه‌كى خانه‌قا له‌دایك بوومه‌ له‌دوایى له‌گه‌ره‌كى سه‌یداوه‌ منداڵیم به‌سه‌ر بردووه‌ ئینجا هاتومه‌ته‌ ته‌یراوه‌ قوتابخانه‌ى سه‌ره‌تایم له‌ته‌یراوه‌ پۆلى یه‌كه‌مم له‌قوتابخانه‌ى (زاگرۆس) خوێند له‌بیرمه‌ ئه‌و وه‌خته‌ى ساڵى (74) كه‌ شۆرِش ده‌ستى پێكرد ئه‌و ئێواره‌یه‌ى كه‌ پێشمه‌رگه‌ یان كورد به‌گشتى هه‌موومان به‌یه‌كه‌وه‌ غارماندا چیا له‌سه‌رداخوازىء بانگه‌وازه‌كه‌ى (مه‌لا مسته‌فا )

(more…)

مامۆستا كه‌ریم زه‌ند، گه‌رِیده‌و جوگرافیناسێكی ناسراوی كوردستانء له‌بواری راژه‌و گوزاریدا به‌مێژوو جوگرافیاو كه‌لتوورو فه‌رهه‌نگی نه‌ته‌وه‌كه‌مان جێگه‌ی ده‌ستی دیاره‌و خاوه‌نی مێژوویه‌كی گه‌وره‌ی نه‌ته‌وه‌یی یه‌.. تا ئێستا نزیكه‌ی (30- 40) په‌رتووكی نوسراوی هه‌یه‌و تاهه‌نۆ(16-17)كتێبی چاپكراوی هه‌یه‌ له‌و په‌رتوكه‌ نوسراوانه‌.

جگه‌ له‌بواری نووسین ئه‌م مامۆستایه‌ له‌بواری فێركاریدا رۆڵێكی سه‌ره‌كی گێرِاوه‌ له‌ زۆربه‌ی شارو شارۆچكه‌و گونده‌كانی كوردستاندا.. جگه‌ له‌مانه‌ش له‌ بواری سیاسه‌تء كاری پیشمه‌رگایه‌تیدا رۆڵێكی مه‌زنی گێرِاوه‌ له‌گۆرِه‌پانی رِامیاریء بزوتنه‌وه‌ی رِزگاریخوازییه‌كاندا….دۆستێكی نزیكی هه‌ر یه‌ك له‌ (شێخ مه‌حمودی حه‌فید مه‌لیكی كوردستانی باشوور، پێشه‌وا قازی محه‌مه‌دء ژه‌نه‌رِال مسته‌فا بارزانی) بووه‌، له‌كۆماری كوردستان له‌مه‌هاباد به‌شداری یه‌كی چاڵاكانه‌ی هه‌بووه‌ چ وه‌ك نماینده‌ی پێشه‌وا چ وه‌ك پێشمه‌رگه‌.

وه‌ك گۆڤاری خازر له‌شاری سلێمانی به‌ پێویستمانزانی كه‌ سه‌ردانی بكه‌ینء له‌نزیكه‌وه‌ له‌سه‌ر ژیانء خه‌باتء تێكۆشانی شێخ مه‌حمودی حه‌فید چه‌ند پرسیارێكی ئاراسته‌ بكه‌ین.

دیدار/ زانیار سه‌ردار قرگه‌یی- سلێمانی

(more…)

له‌گه‌ڵ بوونى به‌رده‌رِه‌ش به‌ قه‌زا ( مازن محه‌مه‌د سه‌عید ) وه‌كو یه‌كه‌م قایمه‌قام ده‌ست به‌كار بوو له‌و ناوچه‌یه‌ ، كاك مازن له‌ دایك بووى ساڵى 1972 و له‌ سالى 1994 كۆلێژى یاساى له‌شارى موسل ته‌واو كردووه‌ و له‌ چه‌ند شوێنێك به‌رِێوه‌به‌رى ناحیه‌ بووه‌ وه‌كو : ( دیره‌لۆك - سه‌رسه‌نگ - به‌رده‌رِه‌ش ) هه‌روه‌ها پێش ئه‌وه‌ى وه‌كو قایمه‌قام ده‌ست به‌كار بىَ له‌ قه‌زاى به‌رده‌رِه‌ش ، له‌ قه‌زاى ئامێدى بۆ ماوه‌ى دوو ساڵ قایمه‌قام بووه‌ . كاك مازن له‌ ساڵى 1996 له‌گه‌ڵ  ( به‌هارخان ) خێزانى پێك هێناوه‌ و ئێستا خاوه‌نى سىَ كورِ و كچێكى چاو گه‌شه‌ به‌ناوه‌كانى ( سامان - سازان - رۆزان - محه‌مه‌د )  . كاك مازن گه‌نجێكى تا بڵێى روو خۆشه‌ و له‌ كاره‌كانیدا جدیه‌ ، گۆڤارى خازر به‌ پێویستى زانى كه‌ ئه‌م دیمانه‌ی له‌گه‌ڵ ساز بكات سه‌باره‌ت به‌ به‌رێوه‌به‌ردنى كاره‌كانى و هه‌ندێك له‌ لایه‌نه‌ شاراوه‌كانى ژیانى تایبه‌تى ئاشكرا بكات :
دیمانه‌ /  پرشه‌نگ كامه‌ران

(more…)

سه‌ید ئه‌حمه‌د ره‌واندزى

سه‌ید ئه‌حمه‌د ره‌واندزى یه‌كێكه‌ له‌و مامۆستایانه‌ى كه‌ له‌ بوارى هونه‌رى و مۆسیقاژه‌نین به‌ تایبه‌تى ئامێرى كه‌مانچه‌دا ده‌ست و په‌نجه‌یه‌كى زێرینى هه‌یه‌ و خزمه‌تێكى زۆرى پێشكه‌ش به‌ هونه‌رمه‌ندان كردووه‌ هه‌میشه‌ كاره‌ به‌رچاوه‌كانى له‌ به‌رهه‌مى هونه‌رمه‌ندان ره‌نگى داوه‌ته‌وه‌ توانیویه‌تى هونه‌رى گۆرانى و مۆسیقا ره‌سه‌نایه‌تى كه‌لتورى كوردى بپارێزێت بۆیه‌ به‌ پێویستمان زانى له‌ نزیكه‌وه‌ له‌گه‌ڵى دانیشین و بیكه‌ینه‌ میوانى ئه‌مجاره‌ى گۆڤارى خازر (more…)