وهرزهك ل ناڤ ههلبهستا من دا
دیارى بۆ هۆزانڤانى گهورهى كورد ( عهبدوڵلا پهشێو )
دهروێشێ خهم لیسا من
دهفهك رهڤهندى ب تبلێت ئاگهر ڤهژهنه
جرئایێ گوندىَ من ب حهیرانوكێت شهڤهرۆكا رون بكه
بێ پێژن .. !
ب پهیڤهك خاپینۆك من شین بكه ژ رێڤینگیێ ڤهگهرینه
فرمسێكێت من لا لۆتهنه هور هور دبن خهم بارینك
ژ كانیكا چاڤا دو پێچ بدن .
هارو دین دبن
ههزار ئاهێن ژ بهارا بهژنا من دوهشن
دبن پرس !
دئۆدا من دا دبن گازنده دبن هۆزان ل ناڤ
پهرتوكێت من دا ل ناڤىَ ته دگهرن
ههر جار زولفێت من ل هۆكا ته دگهرن
ژ دوریا بیركرنا من !!
بارهك شهڤ نهم دادرێژى
رهگهها جهرگىَ من پیستهك ههسن بۆ …
قهدهرىَ میخێت نیڤ ژهنگى لێ باراندن .
نیڤ خهم سمین
وه نیڤ ل ناڤ تبلێت خوه رهڤاندن
دوئاجىَ من دهروێشۆ
دهنگىَ ته د قول قولا دیوارا دبێ مهڤانىَ مهى خانا من
ئاسۆین كهل دۆماناته
بهارهكه ..!
وهلاتىَ من پۆش دكى دین كى
گهزمارا سبهها من ل
بیهنا ته دگهرِى
سینفونیا كهنىَ تهلهبهر پهنجهرا من گولا دگول دانادا
وشك دكى
نه بی كهنى من درهڤى و
نهبی دا دپۆشیا دلىَ من رازى دبی
ئهو زهرهزهنگا ژ كهڤیێت بهفرى ئهڤراندى
نه پایزه بهلك خهزێم ژ كهڤلىَ ته خارنه
و نهزهم ههریرا موسكویه كهزیێن خوه بهردانه
ئهو ژ كهڤنه زوخا برینێت بهژنهك خهلیایه
خودانا هێلو میخهكێت ههورومانیه
ههلگرا سهرپوشهكا خورهسانیه
تایهك گول نه خوینا خۆمالیه
كیڤى بۆنا ته دوو دهرزه
ل دوو وهرزا دڤ ژهنین دكى
بلا یهك یهك ..
یهك بهێله بو ڤهقێن دێرا ..
یان دن بههژمێره له سهر تۆربا عهبا بهیلی
بلا یك بی
سهلوا گولى - سوید
